Me 25 deri me 27 prill 2024, mbahet Kampionati Evropian i Xhudos për Senior në Zagreb të Kroacisë.

Nga Kosova do të garojnë:

Distria Krasniqi (-52 kg)

Flaka Loxha (-57 kg)

Akil Gjakova (-73 kg)

Dardan Cena (-73 kg)

Loriana Kuka (-78 kg)

Distria dhe Flaka ndeshen ditën e parë kurse ditën e dytë ndeshet Akili dhe Dardani, Loriana ndeshet ditën e tretë.

Në këtë kampionat marrin pjesë 47 shtete, me 427 garues, 240 meshkuj dhe 187 femra.

Ekipi kosovar është nën udhëheqjen e trajnerit dhe selektorit Driton Kuka dhe Majlinda Kelmendi.

Padyshim emri që bënë bujë më së shumti mesin e këtyre pesë xhudistëve, është Akil Gjakova.

Gjakova ditë më parë ishte i kërkuar nga Policia e Kosovës për dhunë në familje ndaj gruas së tij.

Po i njëjti është paraqitur në polici pas disa kohe dhe ka qëndruar në paraburgim për 48-orë, për t’u liruar me urdhër të gjykatës.

Akilit nuk iu vazhdua parburgimi dhe tani është i gatshëm të marrë pjesë në Kampionat Evropian.

Kujtojmë se Federata e Xhudos i ka dalë në përkrahje Gjakovës publikisht duke besuar në pafajësinë e tij./Arbresh.info/